الفرق بين عيالنا وعيال الاجانب

السلام عليكم
كيفكم ان شاء الله تمام

شوفو الفرق بين عيالنا وعيال الاجانب
(1)
اطفال الاجانب
في الصباح حيث يبدا يوم اطفال الاجانب عندما يستيقظ على صوت
الكناري اللي بغرفته بعدها يتوجه للحمام يتروش وينظف اسنانه ويطلعمن الحمام تستقبله المربيه بالمنشفه وتصبح عليه يروح يلبس ملابسه[/
[size=25]وياخذ شنطته وينزل لغرفة الطعام ويصبح على ماما وبابا واحلى
بوسه ياخذها منهم ويفطر ذاك الفطور اللي عليه الكلام عن كورن فليكس
ابو ديك وبيضه وحده بس وكاس عصير وشويت زبده مع العسل على خبزه
بعدين يقوم يغسل فمه ويودع الماما والبابا ويتوجه للسياره يلقى قدامه
السواق مبتسم ويفتح له الباب ويوديه لمدرسته الخاصه

[size=29]ورعاننا المحترمين
ورعاننا يقوم الصبح بعد ما يطلع عين اهله ولازم كل العائله تمر عليه
عشان تصحيه وكل واحد وطريقته
ابوه : قم جعلك قامت عليك
امه : قم جعلك الجدري
اخوه الكبير : والله اذا ما تقوم لافقع وجهك
أخته : تسوي نفسها حنينه وبتدلعه يالله قوم وأعطيك شنطة أخوك تروح فيها للمدرسه
بعد ما يقوم يروح الحمام على السريع ويغسل وجهه
وبعدين ياخذ اقرب شنطه عنده ويربطها بظهره ويجيك مدربي راسه يدور الفطور ويتفاجأ انهم ما حطوه
بعد ما يجي الفطور وهو كالعاده : فول وشكشوكه نصها بصل وطماطم وتميس وحليب بارد ياالله لك الحمد والشكر على النعمه
يبدأ الورع بالأكل وشوي الا وهو حاذف أخوه بعلبة الهندسه
عشانه سحب صحن الفول من عنده مسكين ما يلحقه وشوي الا وهو
لامخ أخوه الثاني بجمع ماهو هين لأنه سرق فسحته
عاد شوف أبوه زعلان : يا ورع أركد وافطر وعين خير الله ***ك انت وياه انت وش بلاك على الصبح وراكم مدارس كلو اذلفوا ياالله بسرعه
يرد الورع عليه: انت ما تشوف عيد سارق فسحتي
عيد اكبر سروق بالبيت , ابوه على طول ما يكذب خبر أعوذو باالله ويصكلك عيد بكف تسمعه وانت بالشارع
المهم بعد ما يخلص الفلم اليومي يروح الولد للسياره يلقى اخوه فاتح
الكبوت ويصب ماء برديتر الوانيت المشقوق تقفل اخلاق الورع وينقز للشارع ويأشر لأقرب سياره ويروح للمدرسه


(2)
أطفال الاجانب
بعد المدرسه يرجع اطفال الاجانب ويلقى المربيه في استقباله تاخذ
الشنطه وتوديها لغرفته بصحبته يغير ملابسه ويغسل وجهه ورجليه
ويستريح له ساعه في أنتظار افراد العائله عشان يتغدى وبعد الغداء الرايق
يروح لغرفة الجلوس ويشرب شاهي للتهضيم ويحلي بقطعة كيك وبعدين
يروح لغرفته ينام له ساعه قبل العصر

ورعاننا المحترمين
اما الورع منهم يجي من المدرسه وثوبه قالب لونه بني تقول جاي من محرقه
ولا دخل البيت رمى الشنطه بالصاله وفصخ ثوبه
ووينك يالشارع اخوياه يحترونه وهاتك ياللعب
كوره بهذي القوايل والشموس وعادي الشارع مولع من الحراره وهم عادي مررره
ولا كأنه فيه شيء واهله مبلهين على التلفزيون
شوي وابوه يرسل كل اخوانه يدورن الداشر ولقوه يلعب كوره وجابوه
للبيت قام يصيح طقوني وسحبوني قدام الناس والله ما أحد لمسه النصاب
المهم حطو الغداء معروف كبسة لحم ولا كبسة دجاج ياربي لك الحمد
وغيره ما فيه لاسلطه ولا شي يتغدى الورع ويصك بعدها لتر لبن المراعي ولا الصافي بعدها يجلس ساعه فاتح فمه دايخ متبنج الاخ
يحتري من يوديه الحمام ولا المطبخ يغسل له يديه


(3)

أطفال الاجانب
اطفال الاجانب لا جاء العصر جابوا دروسهم وشافوا وش عليهم من
واجبات وحلوها وحضروا دروس بكره بمساعدة الماما والبابا
بعدها يروح لغرفة الألعاب ويجلس على البلاي ستيشن 2 وخذ لعب
لمدة ساعتين تقريبا يعني الى وقت ما بين المغرب والعشاء.
بعدها تطلبه امه مع بقية أخوانه عشان يجتمعون ويشربون العصير
ويسولفون سواليف

ورعاننا المحترمين
يجي وقت العصر وهو نايم هذا مفعول اللبن يقوم قبل المغرب
وياخذ دروسه وواجباته وأقلامه ناسيها في درج الطاوله اللي بالمدرسه
ويروح عند أخته ويتحايل عليها بكل ما أوتي من قوه على شان تحلله
الواجبات واذا قالت لا يا ويلها يا سواد ليلها
بعد كذا أنواع الدجه مع ورعان الحاره وشلته ما يخلون
هندي ولا بنغالي ولا باكستاني الا وسرقوا سيكله
ولا يرجع البيت الا الساعه 11 تقريبا تلقى راسه مفقع من
جميع الاتجاهات والشرطه تدوره وجارهم مسوي أعلان عليه مطلوب
حي أو ميت وخذلك من المشاكل عاد الله يعين أهله المساكين


(4)
أطفال الاجانب
أطفال الاجانب بعد ما يتعشى ويمسي على اهله يروح لغرفته ويجلس
على النت ساعه أو ساعتين الى موعد نومه الساعه 10 تقريبا
بعدها يغير ملابسه وتجي المربيه وتحكي له قصه اللين ينام تغطيه وتطفي النور

ورعاننا المحترمين
لا رجع البيت الساعه 11 ما يدخل مع الباب لا ينط من
فوق السور على شان ابوه ما يمسكه
وعلى طول لغرفته ويقفل الباب ويطفي النور ويطل من الطاقه
على باب الشارع الرئيسي يشوف وش صار على
مسلسل المشاكل اللي سواها بالشارع ويراقب أبوه كيف بيحلها مع جارهم ومع الناس ومع الشرطه
شوف الناس وين والنذل وين يتسلل للمطبخ وياخذ منه جبنة وخبز ويرجع لغرفته
بسرعه ومحد شافه ويقفل الباب ويتعشى من ذا الجبن والخبز
اللين يدوخ ويوم تجي الساعه ثنتين الا والنوم جاه لا وأزيدكم من الشعر بيت ما ينام الغبي الا وهو متلطم على باله مراقب

أخوكم *الأمبراطور*

هههههههههههههههههههههههههههههههههه
مشكوررررررررررررررررر

جميع الاتجاهات والشرطه تدوره وجارهم مسوي أعلان عليه مطلوب
حي أو ميت وخذلك من المشاكل عاد الله يعين أهله المساكين

>>>>>>>>>>>>هههههههههههههههههههههههههههههههههههه


ومشكوووووور على الموضوع المضحكــــــــــــــــ